Рїшіня Словакії заставити воєньску поміч Кієву не буде мати выразный вплив на протяг конфлікту на Українї, выголосив то у четверь говорця Кремля Дмітрій Песков. TASR перевзяла інформації з тисковой аґентуры AFP. ,,Словакія не мала такый великый подїл на додавках збраней, таже сотва то овпливнить цїлковый процес,“ повів Песков новинарїм в повязаню з уж 20 місяцїв тырваючов войнов. ,,Як председа влады буду підпоровати нулову воєньску поміч Українї,“сконштатовав новый председа влады Роберт Фіцо. Словацька влада є подля нёго приготовлена додавати Українї гуманітарну поміч. ЕУ бы ся подля Фіцовых слов мала змінити з додавателя збраней на міротворцу.

(TASR, Шутіова)