x

Мірослав Коллар кінчіть в Коаліції

00

Депутат Народной рады Словацькой републікы Мірослав Коллар кінчіть у владній коаліції і выступить з депутатьского клубу партії Za ľudí. Інформовав о тім його асістент Растіслав Гауліш. Коллар у своїм становиску вказав на злу сітуацію в повязаню з пандемійов нового коронавірусу і высокы чісла мертвых. Наряджіня влады подля нього не фунґують. Вызывать на выводжіня політічной одповідности і зміну манажменту пандемії. Підкреслив, же в каждій демократічній европскій державі бы одступив мінімално міністер здравотницьтва, но в припаді Словакії бы мав нести одповідность і премєр Іґор Матовіч. Владній коаліції без Коллара зіставать конштітучна векшына, кедь буде мати по новому 94 депутатів.

(Медвідь, TASR)