Діскусійов о веце новелах законів з ділні Міністерства фінанцій одштартовав пленум Народной рады Словацькой републікы днесь далшый день 48-го засіданя. Іде наприклад о пропозіцію закона о банках ці фінанчній справі. Пропозіційов закона о банках має ся транспортовати інштрукція Европской унії і гармонізовати правны рамкы крытых довгописів, котры мусять сповняти становлены штруктуралны пожадавкы. В припаді фінанчой справы має прийти головно ку управліню статусу членів фінанчной справы і розшыріню компетенцій в конкретно шпеціфікованых областях. З пунктів резорту фінанцій днесь депутаты діскутують і о новелі закона о розрахунковій одповідности. Норма дотулять ся і запроваджіня ліміту публічных вытрат. Їднаня о пропозіції закона позначіли незгоды меджі коалічныма партнерами. SaS хоче, жебы в законі была і даньова гама.

(Медвідь, TASR)