Новов ґенералнов діректорков Словацького народного музея (СНМ) стала ся Андреа Предайньова. До функції ю вчера призначіла міністерка културы Мартіна Шімковічова на  основі результатів выберового конaня. Пресаґентуру TASR о тім інформовала діректорка одбору комунікації резорту културы Петра Бачіньска. Резорт културы подля ньой вірить, же нова ґенерална діректорка зо свойов одборностьов, візіов і приправеным приступом забезпечіть СНМ модерный розвой. Веджіня MK подяковало повіреному штатутарови Томашови Бодойови за керуваня інштітуції в тім переходнім періоді. (TASR, Pkf)