Бывала літня резіденція презідентів Ческословацькой републикы, замок в Топольчянках, привітало вчера презідентів Чехії і Словакії Мілоша Земана і Андрея Кіску. До Топольчянок ся привезли шпеціалным влаком, котрый поганяла парна локомотіва. Частьов влаку быв і історічный ваґон Аза 80 выробленый в 1930 року про першого ческословацького презідента Томаша Ґаріка Масаріка. За інформаціями пресовой аґентуры ТАСР, в рамкам стрічі ся Андрей Кіска окрім іншого подякував ческому презідентові зато, же могли сполу абсолвувати часть дорогы з місця народжіня Томаша Ґаріка Масаріка до Топльчянок, котре першый раз навщівив перед 95 роками. За словами Земана ся стрітнуть обоє презіденты іші штирї разы, „чекать нас стріча презідентів Вышеградской штирькы на Штырбскім плесі, стрітнеме ся у Владіславскій салі Пражского граду і в Мартіні, під условійом, же там небуде Маріян Котлеба. Послідньов стрічов буде ярьна стріча словацького презідента в Ланох, котра буде його розлучковов навщівов у функції перезідента“.
(TASR)
Фото: TASR