Орґанізаторы културных акцій, котры ся з причіны пандемії нового коронавірусу неодбудуть ани в першій половині 2021-го року, будуть мати можность продовжыти діяня закупленых листків до кінця юна 2022-го року. Властникові можуть тыж в ціні листка запропонувати поукажку на іншы акції, котры ся одбудуть до половины рока 2022. Як властник листка тырвать на вернутю грошей, орґанізатор є повинный му гроші вернути до 13 місяців од терміну діяня акції на котру мав купленый листок. Тоту можность дасть новела, котров ся мінить і доповнюють дакотры законы в компетенції Міністерства културы СР. Пропозицію, згодно і замірь прияти го в скороченім леґіслатівнім конаню днесь одобрила влада СР. (TASR, Pkf)