Словакія є приправена отворити тему повязану зо сітуаційов в кошыцькых оцілярьнях і в Бруселі. В реакції на петицію робітників компанії U.S. Steel Košice, в котрій владу Петра Пеллеґрініго вызывають, абы ся заоберала сітуаційов в оцілярьскім промыслі, то про TASR увела говоркыня премєра Патріція Мацікова. Одборары одштартували їднаня с веджіньом компанії, абы ся проґнозы о масівнім пропущані в кошыцькых оцелярьнях і в єй філіялках ненаповнили. Петицію заміряну на ферове подниканя в Европі в металурґічній сфері, з акцентом на соціалны впливы на робітників і їх родины, зачали у вівторок. Сіґнатары окрім іншого премєра жадають о особну заанґажованість при гледаню і просаджуваню конкретных рішень, котры поможуть захранити оцелярьскый промысел. (TASR, Пкф)