Презідентка Зузана Чапутова планує і в тім роцї традічный обід з бывшыма презідентами СР. Потвердив то про TASR єй говорця Мартін Стріжінець. Термін заты не становили. На обідї бы мала привітати своїх попередників у функції головы штату Рудолфа Шустера, Івана Ґашпаровіча і Андрія Кіску. Презідентка ся мать окрем того зо Шустером стрїтити на будучій тыждень в Кошіцях. Стріжінець приближыв, же презідентка ся рихтує на подїю, на котрій мать Шустер достати вызнаменаня од бразільского амбасадора на Словеньску.

(TASR, Шутіова)