Презідентьска канцеларня приїмать енерґетічны ушпорны превентівны крокы. Серію ушпорных превентівных кроків в повязаню з енерґетічнов кліматічнов крізов в презідентьскій канцеларнї оголосила у четверь голова штату Зузана Чапутова. До конця лїта буде понижане кліматізованя сполочных просторїв і протягом найблизшой выгрївачой сезоны буде понижана теплота в просторах Презідентьского палаца о єден аж два ґрадусы. Максімална теплота при огреві воды буде понижана на 50 ґрадусів. Окрем того ся о дві годины скоротить і час ночного освітлїня Презідентьского палаца. Подля презіденткы є важне, жебы верейны інштітуції зачали коло енерґетічных ушпор од себе. ,,Окрем того, же довгодобо челиме кліматічній крізї, в сучасности нас огрожує і енерґетічна кріза. Праві з тых доводів хочеме іти прикладом і глядати далшы ушпоры на енерґіях,“ увела презідентка.

(TASR, Шутіова)