За комуналный одпад заплатять Кошычане веце як дотеперь. Місто од 1. януаря 2020 підвышыть рочный паушалный поплаток. Схвалило то містьске представницьтво на своїм децембровім їднаню. Зарівно зрушыло поплаток за дрібный ставебный одпад.  На основі схваленой зміны общо завязуючого наряджіня, котру пропоновало 14 посланцїв представнисьтва, будуть дорослы Кошычане, котры жыють в бітовых домах платити за смітя рочный паушалный поплаток намісто 31,35 евра рочнї частку 36,86 евра. ,,Дїти од 5 до 18 років мають зляву 30 процент з той часткы, доходцёве над 62 років платять лем половину. Зарівно каждый пятый член обыстя мать 25- процентну зляву, “ увів про TASR говорця міста Кошыцї Владїмір Фабіан.  Жытелї, котры жыють в родинных домах, за одвоз 110 ці 120- лїтрового коша на смітя заплатять од нового рока рочнї 160 евр, што значіть підвышіня о 52 евр. ,,Кедь бы то жытелям в родинных домах веце пасовало, мають можность платити паушалный поплаток за смітя у вышцї 36,86 евра на особу за рік,“ доповнив.

(TASR, Шутіова)