Німецька канцеларька Анґела Меркелова в понедільок повіла, же транзіт земного ґазу через Україну буде продовжовати і по докінчіню ґазоводу Nord Stream 2 меджі Російов і Німецьком. Інформовали о тім аґентуры AFP і DPA. За словами Меркеловой є Україна про Німецько транзітнов країнов і зістане ньов, і кедь буде новый ґазовод докінченый. Канцеларька ся так высловила на пресконференції в Берліні по боці україньского презідента Володиміра Зеленьского. Признала, же Україна має з будованя Nord Stream 2 великы обавы і Німецько то за їй словами бере важно. Меркелова приобіцяла, же о тім вопросі буде бісідовати і почас свойой навщівы Вашінґтону, де бы ся у четверь мала в Білім домі стрітити з америцькым презідентом Байденом.

(Медвідь, TASR)