В просторах історічной радніцї в Рожняві ся одбуде модна переглядка, на котрій будуть презентованы ручнї малёваны моделы шмат з фолклорныма мотівами з різных реґіонів Словакії. Про TASR то увела авторка шмат і орґанізаторка подїї Юдіта Крайчіова з тым, же цїла акція буде мати і харітатівный розмір. На подїї з назвов З фолклорного сердця буде непрофесіоналныма моделками одпрезентованых приближно 40 моделів шмат. Далшы будуть представлены на фіґурінах у вестібулї історічной радніцї. Ту ся буде находити і выстава вышываных образїв, котрыма хоче авторка повказати на то, як взникла думка перепоїти мотівы з вышывок з мальбов на шматы. Модна переглядка ся одбуде у четверь 16. марца, орґанізована є в сполупрацї зо самосправов з нагоды Меджінародного дня жен. Подїя буде мати і харітатівный розмір. Вытяжок з добровольного вступного буде жертвованый Рожнявчанцї, котра боює з важнов хворотов.

(TASR, Шутіова)