Пропозиція на звышіня поплатків за незаконне знеужываня амбулантных поготовости і урґентів є раціоналный крок. Рефлектує на огранічены капаціты в здравотницьтві. Мать понижыти допіт пацєнтів при ограніченій понукі здравотників. Про пресаґентуру TASR то повів діректор Інштітуту про економічны і соціалны реформы (INEKO) Душан Захар. Пацєнты бы шак к тому могли достати безплатну можность ся з дакым кваліфікованым, наприклад через  call centrum або мобілну аплікацію, допереду порадити, ці  їх здравотный став є причінов на навщіву поготовости ці урґенту, або выстачіть почекати до наслідуючого дня і прияти до того часу адекватны опатріня, абы ся незгоршыв здравотный став. (TASR, Pkf)