Словакія рихтує новый паклик воєньской помочі про Україну, котрый Києву дасть саперьску поміч і поміч в области одміньованя. Інформовав о тім в понедільок міністер обороны Роберт Калиняк в прояві на меджінароднім форумі оборонного промыслу в Києві. Калиняк на форумі оголосив, же вєдно з україньскым міністром обороны Денісом Шмигальом підписали меморандум о 14-ім паклику помочі. Словацька републіка має Україні додати пять кусів заряджіня на одміньованя Божена, як і далшу воєньску і невоєньску техніку. Словакія дала Україні од фебруара 2022-го року 13 пакликів воєньской помочі в цілковій сумі 671 міліонів евр. 14-ый паклик в сумі 40,3 міліона евр Фіцова влада не схвалила в новембрі 2023-го року.

(Медвідь,  TASR)