x

Словакія є приготовлена роковати о выцвіку Українцїв на теріторії СР

00

На Словакії бы ся міг одбывати выцвік україньскых озброєных сил. У четверь то протягом навщівы летецькой закладнї Рамштайн в Нїмецьку увів міністер обраны СР Ярослав Надь. TASR о тім інформовала говоркыня резорту обраны Мартіна Коваль Какащікова. ,,Вірю, же посилнёванём будованя капаціт і способилости україньскых озброєных сил будеме штораз близше ку закончіню той незмыселной російской аґресії і вітязству слободной Україны,“ выголосив Надь. Подля міністра обраны є Словацька републіка приготовлена говорити о выцвіку україньскых вояків на теріторії СР. Доповнив, же можность выцвіку про Українцїв бы могла быти ,,евентуалным приспівком до нововытвореной воєньской асістенчной місії ЕУ на Українї“.

(TASR, Шутіова)