Выбух метану в чорноугольній банї в селї Стонава в Моравскослезскім краю собі выжадав жывоты 13-ёх баників. 11 з них польскых і двох чеськых. Коло 10 далшых є зраненых. Днесь то увів говорця тяжобной сполочности ОКД з центром в Карвіній Іво Челеховскый. В банї дошло вчера курто по 17,00 годинї к загорїню а наслїдно к выбуху метану. Челеховскый додав, же вшыткы роботы під землёв были заставлены, робочі чаты што найскорїше выходять з підземлї вон. На містї засягує велике множство баньскых захранарів, котры переглядують просторы під землёв, бо выбух способив девастацію дакотрых баньскых робочіх міст.
(TASR, Цітрякова)