Як бы была Україна  прията за члена Европской унії, потім бы фінанчна підпора дотеперь давана країнам середньой Европы вєдно Мадярьска была спрямована на Україну. Выголосив то вчера вечурь в дебаті про комерчну телевізію TV2 председа мадярьской влады Віктор Орбан. Премєрь як шпеціфічну область, котрой бы ся найвеце дотуляло, спомянув польногосподарьство. “Іщі ниґда ся нестало, же бы хотіли до ЕУ прияти країну, котра є у войні,“ повів дале Орбан. Подля його слов покы наприклад не є  ясне, ці бы ся вступом Україны стали частьов Унії і теріторії, котры мать днесь під контрольов Росія.  (TASR, Pkf)