По зволіню Петра Пеллеґрініго за презідента мусить владна коаліція в короткім часі  окрім своїх обовязків вырішыти і практічны вопросы. Авізував то премєрь Роберт Фіцо у відеу на соціалній сіті. Окрім вырішіня сітуації над RTVS говорить і о можнім “покараню Западом“ за незволіня Івана Корчока до уряду. Подля властных слов бы ся нечудовав, кебы Словакію з політичных причін і выслідків презідентьскых волеб Европска комісія “скочіла на фонды“. Декларовав, же главным цільом влады оставать снажіня, абы ся на Словакії жыло ліпше, покійніше і безпечніше. (TASR, Pkf)