x

Хотять, жебы в парламенті были представителі реґіонів

00

Выникла петіція на зрушіня єдного волебного обводу про вольбы до Народной рады Словацькой републікы. Словакія потребує тілько волебных обводів, кілько мать країв. Зміну можуть принести лем реґіоны і люди, котры мають скушености з комуналнов політіков. Твердить петічный выбор, котрый 10-го мая т. р. в Пряшові зачав зберати підписы. „Хочеме, жебы в парламенті были нелем номінанты політічных партій, але представителі реґіонів, котры в них жыють і познають його потребы. Два найменшы краї мають в парламенті таке істе заступліня як два найвекшы краї – Пряшів і Кошыці. Братіславскый край мать выразну „пресилу“, бо теперь із 150 посланців є 54 з Братіславского краю, а то є  доказ того, же партійны централы мають ближе до парламенту як реґіоны,“ повів председа петічного выбору Mихал Калиняк. Жебы ся петіційов заподівав парламент, треба вызберати найменше 100.000 підписів. (TASR – А. Кузмякова)