Місто Пряшів ся вчленило до Інтеґрованого транспортного сістему  (IDS) Východ. Вчера одбыло ся підписаня мандатного договору меджі заступцями міста Пряшів і орґанізатором IDS Východ. Як про аґентуру TASR інформував говорця міста Пряшів Михал Гудак, Пряшів ся так попри Пряшівському і Кошыцькому самосправному краю і місту Кошыці стане актівнов частьов успішного сістему публічного транспорту. Як ся высловив віцепріматор міста Пряшів Ріхард Друтаровскый, же іде о потрібный крок к наповніню їх візії о модернім публічнім транспорті, котрый є доступный про вшыткых і мотівує людей к його хоснуваню. Путуючі мають мати ґаранцію, же ся до ціля каждой свойой драгы в рамках обох крайох достануть конфортно, без даремного чеканя завдякы ґарантованым переступом. (TASR, Pkf)