x

Цупер асістентом котлебового депутата

00

Бывшый депутат словацького парламенту за Hnutie za demokratické Slovensko Ян Цупер ся по роках вертать до парламенту. Інформовав о тім портал Aktuality.sk. Бывшый депутат і адвокат Івана Лексы буде депутатьскым асістентом Юрая Колесара із екстремістічной партії Кotleba – Ľudová strana naše Slovensko. Цупер іщі тот рік учів на Правницькій факулті Універзіты Коменьского в Братіславі. Декан факулты Едуард Бурда в апрілю оголосив, же Цуперови не будуть продовжовати змлуву. Універзіта уж довшый час была крітікована із причіны Цупера, котрый є повязаный із екстремістічнов партійов Маріана Котлебы. Ексдепутат в минулорічных выборах докінця за Котлебу кандідовав із 25-го місця кандідачного списку.
(Петро Медвідь)