У четверь україньскый парламент одобрив презідентьску пропозіцію закона о вытворїню Найвысшого протікорупчного суду. За пропозіцію закона голосовало 315 посланцїв. Посланцї в пропозіції закона становили засады орґанізації і чінности Найвысшого протікорупчного суду, тоже особисты пожадавкы на судцїв і особитости реалізації конкурзів на позіції судцїв того суду. Подля аґентуры AP іде о ключовый крок к обновлїню меджінародной фінанчной помочі. Заты Україна дістала од Меджінародного менового фонду коло половины з обіцяного балика помочі у вышцї 14,78 міліарды евр, затоже реформы заводить барз помалы. Якраз зряджіня протикорупчного суду бы мало выплачованя далшых пожычок ускорити. У четверь парламетн на пропозіцію премєра Володимира Гройсмана голосовав за одкликаня міністра фінанцій Олександра Данилюка. Розгоднутя підпорило 254 посланцїв, чім Данилюк одходить з функції. Данилюк ся дістав до спору з премєром Гройсманом, бо в маю написав вельвысланцям країн ґрупы G7 писмо, в котрім Гройсмана обвинив, же гамує важны реформы данёвой справы, котры суть потрібы на бой проти корупції.
(TASR, Цітрякова)