Тендер на скору поміч буде законным способом зрушеный. Міністер здравотництва Каміл Шашко о тім інформовав у становиску, котре аґентурі TASR загнала говоркыня резорту Вероніка Данічова. Міністер твердить, же подля першых резултатів аналіз, о котры пожадав минувшый тыждень Операчный центер скорой здравотной службы СР, існовала правна непевность, котра могла уможнити розділне вытолкованя законной управы проходячого тендра. Єдночасно так подля нього могла быти огрожена транспарентность цілого процесу. Тендер крітіковала опозіція і коалічна SNS. Опозічны партії в повязаню з тым подали в пятніцю в парламенті пропозіцію на высловліня недовіры Шашкови. Посланці бы о тім мали їднати в середу на міморяднім засіданю Народной рады.

(Медвідь, TASR)