KDH вызывать европского комісаря про обход і економічну безпеку Мароша Шефчовіча, владу СР і політічны партії, жебы ся поставили на охрану субсідіаріты, сувереніты членьскых держав Европской унії і цінностей, на котрых была збудована. Причінов є ініціатіва, котра бы могла позволити женам іти на аборт в іншій державі, де є позволеный. На понедільковій пресконференції то повіла евродепутатка за KDH Міріям Лексманн. Ініціатіва передкладать Европскій комісії пропозіцію, котра бы запровадила механізм, же покля жена не може іти на аборт у своїй країні, за грошы даньовых платців ЕУ бы абсолвовала аборт в іншій країні, пояснила Лексманн. Вказала на то, же Унія має хранити людьскый жывот, людьску достойность, мір і має творити економічны статкы про гражданів. Має так само хранити сувереніту членьскых держав і цінности, на котрых была збудована.

(Медвідь, TASR)