Лідер руху OĽaNO Іґор Матовіч бы быв радый, кебы Вероніка Ремішова зістала і надалше в русі. Но єдночасно думать, же піврочне натіганя вже треба закінчіти. Выголосив то в понедільок з тым, же чеканя на Ремішовой рішаня уж зачінать быти зранюючім. Ремішова про TASR повіла, же решпектує рішаня о заснованю нового крыла OĽaNO – Odvážne, котрым хоче рух ословити хрістіанів, но не буде на нім брати участь. Нове крыло представив на пресконференції Матовіч як раз в понедільок.

(Медвідь, TASR)