Народна автострадова компанія в понедільок передала до хоснованя часть автострады D1 Ліетавска Лучка – Дубна Скала із тунелом Вішньове. Святочный пантлик перестригли при западнім порталі тунела вєдно із представителями автострадовой компанії а додавателя премєр Роберт Фіуцо і міністер транспорту Йозеф Раж. Тунел Вішньове, котрого будованя тырвало 27 років, моторісты можуть хосновати од вчерашніх вечерных годин. Драгу тунел скоротить о дакілько десяток минут. Є найдовшым тунелом на Словакії і має 7,5 км. Ціла часть автострады D1 Ліетавска Лучка – Дубна скала має довжку 13,5 км. Одкрыта автострада є частьов планованого комплексного перепоїня Братіславы і Кошыць.

(Медвідь, TASR)