Опозічны партії PS i SaS притоволють на пятніцю 17-го новембра сполочну споминову подію на Площі СНП в Братіславі. Припомянути має одказ 17-го новембра 1989-го року, інформовали на сполочній пресконференції. Председа PS і підпредседа Народной рады Михал Шімечка означів 17-ый новембер 1989-го року за єдну із найважнішых дат модерной історії Словакії. Підкреслив потребу припоминати собі його одказ. Конштатовав, же новембровы дії принесли слободу, незалежность, новы можности і зновузачленіня до зъєдиненой Европы.

(Медвідь, TASR)