Страшіньом о пучі Словакія пережывать меджінародну бламаж і страту довіры союзників. На понедільковій пресконференції то сконштатовала опозічна партія SaS, подля котрой высловы о рихтованім пучі, навеце, знижують довіру людей до безпечностных інштітуцій. Партія жадать одступліня директора Словацькой інформачной службы і обновліня фунґованя выборів Народной рады, котры мають контрольовати роботу безпечностных сил. Подля лібералів існує підозріня, же безпечностны силы державы суть знеужываны на пілітічны цілі, застрашованя опозіції і гражданьскых орґанізаторів протестів. Уряды, навспак, не занимають ся актівностями такых зґруповань, якым є наприклад Брат за брата. Лідер проґресівців Михал Шімечка так само в понедільок крітіковав владу в повязаню з высовами о пучі. Премєр подля нього пошырює страх і паніку меджі людми.

(Медвідь, TASR)