З  десятьтісяч жадостей выґенерованых в четвертій вызві Обнов дом пришло Словацькій аґентурі жывотного оточіня (SAŽP) коло 8458 жадости. Про пресаґентуру TASR то увела ПР манажерка секції плану обновы SAŽP Рената Ґешвантнерова. Інтересуючі о обнову родинных домів мали доручіти формулярь жадости з повинныма  прілогами до 8-го януара. Як дале повіла Ґешвантнерова, же в тім часі докінчують реґістрацію і діґіталізацію послідніх дорученых жадостей. SAŽP зачав оцінювати 2043 жадости, причім 465 жадателів оцінила як успішных, то значіть была або буде їм загнана пропозиція договору. Далшы жадости суть в процесі спрацьованя. О четверту споминану вызву быв рекордный інтерес. В рамках ньой є выділено 190 міліонів евр і аґентура підпише з каждым успішным жадательом договор на суму 19.000 евр. (TASR, Pkf)