x

US Steel ся затля не продавать

00

Америцькый United Steel Corporation натеперь не продасть свою фабрику в Кошыцях із 10 тісяч робітниками. Кітайска компанія Hesteel Group, третій найвекшый продуцент оцели на світі, перервала їднаня о перевзятю фабрикы. Інформовали о тім Správy RTVS. Кітай заставив вшыткы інвестіції, бо має проблем з властным господарьством. „Кітайска влада барз стріктным способом обмеджіла вшыткы інвестіції до заграніча,“ повів Петер Балаж із Бізнісовой факулты Економічной універзіты в Братіславі. О желізарні наперед проявила інтерес чехо-словацька ґрупа Moravia Steel, но тота пропоновала низшу суму за одкупліня як Кітайці.
(Петро Медвідь)