Зрештавровану ренесанчну брану зо 17-го столітя, як і старшу ґотічну брану з 15-го столітя дали до Базилікы св. Еґідія в Бардейові. Старшы двері з добы панованя Матєя Корвіна обявили в часі рештаврованя тых новшых. Рештавратор Мартін Кутный про пресаґентуру TASR повів, же „ренесанчна брана была выготовена в 1655-ім році і вісіла аж до року 1878. Ґотічна  брана є датована до років 1480 аж 1490“. Подля Петра Гарчара з Крайского памяткового уряду в Пряшові, „є то раріта, вынятковость, же в рамках єдного середньовікового храму суть захранены три вступны браны. Наймолодша, котра є неоґотічна, уж мать скоро 140 років,  ренесанчна і середньовіка суть з кінця 15-го столітя.“  (TASR, Pkf)