Воєньскый шпиталь в Пряшові буде в основі служыти цівілному жытельству. Прибудуть в нім новы одділіня, робочі місця і буде мати своє лабораторіюм. Премєрь Роберт Фіцо, міністер обороны Роберт Калиняк і міністерка здавотницьтва Зузана Долінкова у звязку з будованям нового шпиталю вчера в Пряшові їднали з веджіньом Факултного шпиталю з поліклініков Й.А. Реімана в Пряшові. Як повів премєр, же на владі СР быв одобреный замірь переходу факултного шпиталю до резорту міністерства обороны, што дасть право споминаному резорту, поужыти в наслідуючіх трьох роках 550 міліонів евр на выбудованя цалком нового факултного шпиталю в Пряшові, котрый правдаже уж буде шпитальом воєньскым. (TASR, Pkf)