В неділю 16-го фебруара навщівив Токаїк, філію парохії Міньовці, Высокопреосвященый Йона Максим, пряшівскый архієпіскоп і митрополіта. Владыка прияв запрошіня посвятити обновленый храм і кивот. Храм святого пророка Ілії быв у 2023-ім році значно пошкодженый по землетрясіню. На початку вшыткых привітала старостка села Яна Медвецова, і адміністратор парохії отець Лукаш Кіреш. Перед Божесков літурґійов кір Йона посвятив екстерьєр храму. На торжественній літурґії владыка тримав і проповідь. Торжество закінчіло ся посиджіньом в містнім културнім домі.

(Медвідь, ISPA)