Босняцькый парламент схвалив вчера нову владу, котру поведе цалком перша жена на місці премєра в даній балканьскій країні, етнічна Хорватка Борйана Кріштова. Дошло ку тому три місяці по вольбах, інформує о тім аґентура AP. Владу підпорили посланці з десятьох політичных партій, котры переконали свої ідеолоґічны незгоды і по октобровых вольбах сформовали в даній етнічні розділеній країні коаліцію. Тота на основі конштітуції Босны і Герцеґовины загорнює заступців зо вшыткых  трьох главных етнічных ґруп – Босняків, Хорватів і Серьбів. (TASR, Pkf)