В Базиліці Успенія Пресвятой Богородіці в Лютині в суботу 8-го фебруара одбыла ся митрополітна стріча засвяченых особ з єпіскопами Пряшівской митрополітной церькви. На стрічі брало участь понад 110 монахів і монахынь із 8 ґрекокатолицькых чінів і конґреґацій цілой митрополітной церькви sui iuris на Словакії. Архієрейску літурґію служыв Высокопреосвященый Йона Максим, пряшівскый архієпіскоп і митрополіта. Проповідь тримав братіславскый єпарха кір Петро Руснак. По літурґії наслідовала лекція на тему Душпастырьскы правила святого Ґригорія Великого. По обіді монахам і монахыням приговорили ся і архієпіскоп Кіріл Василь – кошыцькый єпарха, а владыка Мілан Лах – помічный єпіскоп Братіславской єпархії. Стріча закінчіла ся Акафістом ку святому Николайови.

(Медвідь, ISPA)