В пятніцю 23-го януара Высокопреосвященый владыка Йона Максим, пряшівскый архієпіскоп і митрополіта в Катедралнім соборі святого Йоана Крестителя одслужыв задушну Божеску літурґію при нагоді першой річніці одходу на вічность владыкы Ладислава Гучка, екзарху Апостольского екзархату про ґрекокатоликів у Чеській републіці. По літурґії вєдно із священиками владыка перешов до кріпты під храмом, де є владыка Ладислав похованый, і помолили ся при його тілесных остатках панахіду. Владыка Ладислав Гучко вмер 14-го януара 2025-го року у віці недожытых 77 років. За пражского екзарху быв призначеный 24-го апріля 2003-го року Папом Римскым Йоаном Павлом ІІ. Єпіскопску хіротонію прияв 31-го мая того самого року в Празі із рук владыкы Ґеорґія Джуджара.

(Медвідь, ISPA)