З осаджанём мостной конштрукції зачали у четверь на уліцї Лїсик дїлострїлцїв в Пряшові. Подля зготовітеля ставбы іде о фіналну і найважнішу фазу. Міст з розпятём 30 метрів буде подобный братїславскому Мосту Аполло.  ,,Першов етапов той фазы буде положіня першого головного оцелёвого облукового носника, котрый буде важыти приближно 55 тон. Наслїдно, даколи протягом вікенду, будеме класти другый носник. Протягом далшого тыждня їх будеме стабілізовати пріечками а будеме цїлу конштрукцію зваряти довєдна так, жебы єй носность забезпечовала безпечный і неперерывный ход в змыслї проєктовой документації,“ увів Ладїслав Баченко, директор компанії Метростав – область выход. В сучасности суть подля ёго слов приближно тыждень перед часовым гармоноґрамом. Іде о найдорогшый мість за остатнїх десять років, котрый реалізує Пряшівскый самосправный край.

(TASR, Шутіова)