Містьска фірма Prešov Real зачне з чіщінём природного купаліща Делня в Пряшові а ёго приправов на лїтню сезону. Як TASR інформовав говорця міста Пряшів Михал Гудак, роботы ся будуть в ареалї реалізовати од днесь. ,,Про отужілцїв і плавцїв є  ключовов інформаціёв выпущаня водоєму природного купаліща в пятніцю у вечерных годинах. Жадаме зато верейность о підвышену осторожность бігом цїлого протягу робот,“ увів Гудак. Выпущаня, схнутя а наслїдне чіщіня дна купаліща як і притокового канала і далшы супроводны роботы потырвають приближно 30 дней. ,,І протягом робот остане ареал природного купаліща про верейность надале приступный,“ додав Гудак.

(TASR, Шутіова)