x

В Грабівчіку собі припомянули 210 років од посвячіня храму

00

В неділю 13-го новембра в Грабівчіку одбыв ся в ґрекокатолицькій парохії одпуст з нагоды храмового праздника святого Михаіла Архістратига. На одпуст прияв запрошіня і владыка Петро Руснак, апостольскый адміністратор Пряшівской архієпархії. В рамках одпусту містны віруючі припомянули собі і 210 років од посвячіня свого храму. Владыка Петро перед торжественнов літурґійов посвятив обновленый екстерьєр зреконштруованого храму. Одпуст опередила цілотыждньова духовна обнова в парохії. В рамках торжества владыка оцінив членів парохіалной рады уділіньом памятной медайлы і грамоты за їх довгорічну жертвенну службу в парохії.

(Медвідь, ISPA)