Неділя святых праотців є уж традічно в Пряшівскій ґрекокатолицькій архієпархії повязана з высланьом колядників Доброй новины. І тот рік в неділю 13-го децембра архієрейсков літурґіов быв одкрытый уж 26-ый річник той добровольницькой події, котру орґанізує еРко – рух хрістіаньскых общін дітей. Колядници з парохії Пряшів прияли благословліня од архієпіскопа метрополіты Йоана Бабяка почас літурґії, котру одправляв за вшыткых колядників в Катедралнім соборі святого Йоана Крестителя в Пряшові. „І кедь є сітуація у світі важна і всядыль панує напруга, колядниками треба быти все, жебы сьме оголошали радостну вість народжіня Спасителя, головно у своїх родинах,“ закінчів святочну подію архієпіскоп Йоан.

(Медвідь, ISPA)