З цільом ліпшого інформованя своїх обывателів спустили міста Гуменне, Вранов над Топльов і Меджілабірці мобілны інформачны службы формов аплікації. Самосправы о тім інформують на своїх вебсторінках. “Цільом є зліпшыти комунікацію з містьскым урядом, передаваня інформацій про Гуменчанів, жебы такой знали, што важне ся діє в їх місті,“ інформує о новій службі найвекша вышньоземпліньска самосправа з тым, же з аплікації ся жытелі Гуменного найскорше дізнають наприклад і о перерушіню додавкы теплой воды або електрикы. Частьов мобілной аплікації, окрем сістематічно  публікованых свіжых інформацій ці приправованых акцій, є і “сусідьскый базар“, вжыватель ся може дістати і на вебсторінку міста і на його соціалны сіті. (TASR, Pkf)