Mісто Меджілабірці бы хотіло інвестовати до трьох будов у своїм властницьтві майже міліон евр. Замір міста жадати ненавратны фінанчны средства на модернізацію културных домів у місті і в містьскій части Выдрань, як і на знижіня енерґетічной складности будовы містьского уряду схвалили містьскы депутаты на своїм остатнім септембровім засіданю. Жебы могла самосправа обновити културны домы в місті і у Выдрани, буде жадати фінанції у вызві Міністерства културы. Енерґетічне рішіня містьского уряду бы мало стояти нецілых 639 тісяч евр. Реалізовати бы ся в нім мало веце областей, окрім іншого стріха, затепліня ці соларны панелы.

(Медвідь, TASR)