В понедільок містьскы депутаты в Гуменнім схвалили намагы міста жадати дотації в рамках актуалной вызвы міністерства інвестіцій і резорту културы, і за їх підпоры выбудовати цікломіст через ріку Лаборець і змодернізовати техніку в Містьскім културнім центрі. Покля буде Гуменне у вызвах успішне, на проєкты здобуде веце як два міліоны евр. Веце як 1,8 міліона бы гуменьска самосправа хотіла здобыти в рамках вызвы на звекшованя актрактівности і капаціты немоторового транспорту. Новый цікломіст бы мав споїти центер міста з наймолодшым сідлиском. Інвестічный замір рахує і з выбудованьом освітліня на даній трасі.

(Медвідь, TASR)