До водочісткы з найвекшого жрідла питной воды про веце як 856.000 жытелів выходной Словакії є спрямована інвестіція за веце як 58 міліонів євр. В пятницю в Стащіні ю оголосив підпредседа влады і міністер животного оточіня Томаш Тараба вєдно з бывшым презідентом СР Рудолфом Шустером, ґенералным діректором Выходословеньской водареньской сполочности (VSS) Станіславом Прцухом і заступцями самосправ. Завдякы споминаной інвестіції ся подля Тарабы змодернізує найвекша водочістка у выходній Европі, котра є в превадзкі вышше 40 років і одоберать поверхову воду з водного резервоара Старіна. Оголошена інвестіція подля Тарабы дасть можность жытелям 40 сел з десятьох окресів здобыти приступ к якістній питній воді зо Старіны, причім цілково буде мати можность одоберати питну воду через модернізовану водочістку аж скоро 900.000 жытелів. (TASR, Пкф)