Росія не уважує о тім, же бы поужыла ядерны збранї, увів у четверь Кремель. Хоць презідент Володимир Путїн твердить, же кебы Росія была нападжена, буде бранити свою теріторію вшыткыма доступныма средствами враховано атомовых збраней, російскы чінітеле але твердять, же Запад сі уж веце раз зле высвітлив выголошіня Кремельского палаца, пише аґентура Reuters. На вопрос, ці бы мож было, жебы Росія поужыла свої ядерны збранї, а ці ся о тій темі уж діскутовало або нї, говорця Кремля Дмітрій Песков одповідав, же уж лем сама формулація такых вопросів є неакцептовательна. (TASR, Шутіова)