З нагоды Дня учітелїв оцїнив у четверь Кошіцкый самосправный край (КСК) 35 середнёшкольскых педаґоґів зо школ, котрых зряджователём є край. Оцїнїня собі перевзяло 9 хлопів і 26 жен. Меджі нима суть учітелї, майстры фаху, выховавателька зо школьского інтернату і директоры школ, інформовала говоркыня председу КСК Анна Чінчарова.
Дяковны листы оцїненым у кошіцькій Выходословацькій ґалерії одовздав председа КСК Растїслав Трнка. ,, В Нашім краю маме велё совістных учітелїв, котрым патрить наша подяка. Запoюють ся при творіню методік, приправлюють школярїв на конкурзы, реалізують в школах різны проєкты, ходять за границї і наберають все новы скусености. Учітельске поволаня, нажаль, не є достаточно оцїнене, а то ани фінанчно ані морално. Кошіцькый край ся зато такым способом снажыть подяковати тым, котры суть своёв совістнов роботов прикладом про нас остатнїх,” увів Трнка.

(SME, Шутіова)