Шпортовый ареал міста Меджілабірці є од минулого тыждня богатшый о мултіфункчну ледову плоху. Увер в сумі 150.000 евр, котрым тоту інвестічну акцію співфінанцовали, хоче самосправа сплатити до кінця того рока. Пріматор міста Владимір Вышньовскый про аґентуру TASR повів, же не мають страх з несповніня той амбіції і напеперек очекованым нижшым приймом до містьской касы про пандемію нового коронавірусу. Сумов сто тісяч евр приспів і Пряшівскый самосправный край.  (TASR, Pkf)