Час запису першокласників на основны школы самосправа Меджілаборець выужыла на пропаґацію навчаня русиньского языка. Як о тім інформує місто на своїм вебсайті, обидві містьскы   основны школы нукають од будучого школьского рока навчаня русиньского языка. „Дайте можность і вы своїй дітині стати  ся успішным і гордым Русином. Запиште єй на навчаня русиньского языка, котре ся буде реалізовати в розсягу єдной годины тыжденні,“ вызывать родічів будучіх першокласників самосправа міста. Завести до основных школ язык народностной меншыны ся намагать місто в сполупраці з містнов орґанізаційов Русиньской оброды на Словеньску. (TASR, Pkf)