Словеньско одмітать насаджіня западных вояків на Україну а не запоїть ся до жадных воєньскых місій у нашых выходных сусідїв. Выходить то з выражіня премєра Роберта Фіца (Smer-SD),котре в пленї НР СР протягом годины вопросів передніс міністер обраны Роберт Калиняк (Smer-SD). Одповів так на вопрос, як ся поставити ку умыслу лідрів западной Европы выслати на Україну своїх вояків. ,,Пропозіції западоевропскых лідрів, як наприклад французського презідента Макрона, выслати вояків на Україну, поважую за неодповідне і небезпечне,“ цітовав Калиняк словацького премєра. Підкреслив тыж, же насаджіня западных войск бы вело ку простій конфронтації з Росіёв а могло бы дойти ку третїй світовій войнї. Словеньско такы крокы одмітать.

(TASR, Шутіова)