x

Партія SPOLU пропонує вытворити Фонд на охрану народной природной дїдовизны

00

Мімопарламентна партія SPOLU – občianska demokracia пропонує вытворити Фонд на охрану народной природной дїдовизны з тым, же маїтелям лїсів бы тот фонд дав належну протигодноту за обмеджіня в даных лїсах. Інформовав о тім председа партії Мірослав Беблавый, подля котрого по соціалных баликох пришов час і на інвестічны баликы. „Европскій економіцї ся дарить найвеце од крізы а і словацькый штатный розрахунок має зато высшы приймы, як очековав. Владна коаліція хоче тоты средства поужыти на далшый соціалный балик. Мали бы сьме але інвестовати і до будучности, до людей і до якости їх жывота. Кедь будеме мати отровлену землю і зничены лїсы, так нам уже не поможе, же будеме мати HDP. Заєдно выхоснованя добрї храненой природы нам може принести економічный простпіх,‟ думать собі Беблавый. Леґіслатівну пропозіцію Беблавый як незарадженый посланець хоче передложыти так, жебы быв до лїта в парламентї. Кедь пленум одобрить, є реалне, жебы фонд фунґовав од року 2019.